Kandidatët për kreun e SPAK/ Ibrahimi: Do kalojnë filtrin mbi 7 kritere…

Kryetari i Këshillit të Lartë të Prokurorisë, Gent Ibrahimi, u shpreh sot se tre kandidatët për kryetarë të SPAK do të zhvillojnë seancën dëgjimore, më 18 dhjetor. Kjo seancë do të jetë e ngjashme në format me atë të 3 kandidatëve për Prokuror të Përgjithshëm.

Në garë për kreun e SPAK janë Altin Dumani, Arben Kraja dhe Edvin Kondili. Ibrahimi theksoi se vlerësimi për kreun e SPAK dhe përzgjedhja e tij do të kalojë në vlerësimin e 7 kritereve, sa profesionale aq dhe morale.

“Dosjet e tyre janë në këshill. Seancat dëgjimore do të zhvillohen me 18 dhjetor dhe do të jenë publike, besoj do të jetë njësoj si me kandidatët për Prokuror të Përgjithshëm. Do t’i vlerësojmë këto kandidatë mbi 7 kritere.

LEXO EDHE  Lefter Alla reagon sërish pas videos duke marrë kokainë: Është montazh

Me datën 19 do të fillojnë punë tetë prokurorët që kemi zgjedhur”, tha ai.

Ibrahimi shprehu bindjes se përmes mekanizmave ligjorë, do të ketë më shumë se 10 prokurorë.

“Numri i prokurorëve të SPAK do të jetë mbi 10, përveç 8 që marrin zyrtarisht detyrën. Kjo falë mekanizmave të emërimit si të përkohshëm”, tha Ibrahimi.