Kryeministri Edi Rama ishte sot në familjen e Ajet Meçjas, i cili nga tërmeti tragjik i 26 nëntorit humbi gruan, vajzën Diena Meçja (Karanxhaj) dhe mbesën e vogël.
Kryefamiljari ka treguar momentet tragjike.
Ai ka treguar se vajza, Diena erdhi sëbashku me mbesën në pallatin 6 katësh që ata banonin për të qenë më të sigurta, por humbën jetën nën rrënoja.
“Pse mbyllja ishte e ashpër per mua, të të ikin keshtu, fati i keq qe që edhe i biri i vdiq para 5 vitesh, u shua, nuk e di pse kaq keq, pse kaq keq.
Vajza më thotë ka rënë tërmet të vijë edhe unë aty, unë isha te pallati ku jetonte Edison Konomit, dhe mendoja e kanë bërë edhe për vete, eshte i sigurt. Unë fjeta në dhomën me ballkon, vajzat te krevati dopjo, gruaja tha po fle në kuzhinë që të dalim shpejt, nga ora 4 ra ai tërmeti i madh, ulërinte shumë mbesa, nuk pata mundësi të dilja se u bllokua dera e dhomës, pasi u tund, bëri goditje lart poshtë, ranë mbi mua internet po qe hapësira 30 cm, nuk shtyhej, dola nga kartonxhesi, ai ishte thyer, kam hyrë dhe dal në pallatin tjetër që i ishte shembur garazhi, dola zvarrë. Pyet ku ëhstë pallati, gjithçka kishte rënë. Roza, Diena, vajza e vogël brenda. Vajza thoshte babi shpëtomëni këtu jam, mamin nuk e shoh. Time shoqe e kishte goditur me të parën si duket”, rrëfeu Ajeti.
Ndërsa, Rama tha se pas tërmetit, e kishin njoftuar se në Durrës e Thumanë është problem i madh dhe unë mora makinën për 35 minuta nga tërmeti, ka qenë 4.30, pashë Edisonin aty se kërkonte kunatin me motrën dhe thashë bobo…
“Fati i keq ca të them, aty ndenja se mos shpëtoja vajzën, ajo nuk më thoshte që e vogla kishte mbaruar. Djalin qe e kam ne Itali e kisha percjelle te shtunen, ishim te gjithe bashke dhe me tha, babi paskemi jetuar me vdekjen”, rrefeu Ajeti.