Lëvizja “Shqipëria Bëhet” ka përkujtuar 82-vjetorin e gjenocidit ndaj shqiptarëve të Çamërisë, teksa në vitin 1944 shqiptarët u vranë dhe u dëbuan me dhunë nga trojet e tyre.
“Shqipëria Bëhet” thekson se çështja çame duhet të mbetet një kërkesë legjitime për drejtësi, në përputhje me parimet e së drejtës ndërkombëtare, duke kërkuar që padrejtësitë historike të njihen dhe të trajtohen.
Gjithashtu në reagim theksohet se shteti shqiptar ka detyrimin ta mbajë çështjen çame pjesë të pandashme të agjendës së tij diplomatike.
Reagimi:
“Sot përkujtojmë 82-vjetorin e një prej plagëve më të rënda të historisë sonë kombëtare. Nderojmë kujtimin e mijëra shqiptarëve të Çamërisë, të cilët në vitin 1944 u dëbuan me dhunë nga trojet e tyre dhe u privuan nga të drejtat e tyre më themelore.
Çështja çame duhet të mbetet një kërkesë legjitime për drejtësi, në përputhje me parimet e së drejtës ndërkombëtare.
Detyra e shtetit shqiptar është ta mbajë çështjen çame pjesë të pandashme të agjendës së tij diplomatike, duke kërkuar me këmbëngulje njohjen e padrejtësive historike dhe rivendosjen e të drejtave të mohuara të shqiptarëve të Çamërisë.
Ndërsa detyra jonë është të mos lejojmë që kujtesa të zbehet, të ruajmë historinë dhe të nderojmë sakrificën e paraardhësve tanë.”
