Aulon Kalaja është një nga vullnetarët kryesorë të një grupi pune i ngritur me inciativën e aktorit Bes Kallaku që ditën e parë të tërmetit, të cilët shërbejnë ndihma dhe asistenca në familjet e Bubqit.
I ftuar në emisionin “360 Gradë” në RTV Ora, Kalaja thotë se situata e qytetarëve të mbetur të pastrehë është mjaft e keqe.
Në vështirësi të madhe janë ata që kanë mbetur në çadra, krejt të papërshtatshme mes të ftohtit dhe lagështirës.
Në to ka edhe fëmijë të sëmurë.
Aulon Kalaja: Njerëzit po jetojnë në të ftohtë, po jetojnë në çadra që janë shumë problematike, e fusin brenda të gjithë lagështinë, ujin që bie. Janë të sëmurë. Po vi nga Bubqi dhe kam vizituar vetë dy fëmijë të sëmurë, nuk interesohet njeri për to. Terreni është gjë tjetër nga kjo që pamë nga Kryeministri, vazhdon të bëjë show dhe bullizëm.
Duhet të dalë dhe të qetësojë njerëzit dhe të merret konkretisht me hallet e qytetarëve dhe jo të tallet me to. E kanë lëshuar nervat, nuk është i qetë në këto momente. Ndoshta e ka mendjen te donacionet dhe mënyra sesi do të shpërndahen lekët.
Edhe në rast fatkeqësie e kishte mendjen me shit ca apartamente të tjera që nuk janë shitur. Shetësimet e qytetarëve janë totalisht ndryshe nga axhenda e kryeministrit dhe një pjese të oligarkëve të cilët në këto momente nuk kanë tjetër synim vetëm që të pasurohen dhe me fatkeqësinë. I them kryeministrit të na lejojë të punojmë se i ka monopolizuar të gjithë ndihmat.
