Interi pret mbrëmjen e sotme, ora 21:00, Barcelonën në “San Siro”.
Në vigjilje të ndeshjes, trajneri i Barcelonës, Ernesto Valverde, ka folur në konferencën për shtyp, ku ka deklaruar se pavarësisht se skuadra e tij është kualifikuar si e para e grupit, synimi është fitorja.
“Pres një Inter të madh. Do luajmë në San Siro, do të jetë një ndeshje e rëndësishme dhe e vështirë. Edhe pse jemi të kualifikuar do të zhvillojmë një ndeshje kompetitive dhe me intensitet”.
“Nuk kemi fituar më parë këtu, por shpresoj të fitojmë në këtë ndeshje. Do të jetë një atmosferë e mrekullueshme”.
“Zgjedhja për të mos e grumbulluar Messin vjen si pasojë e shumë ndeshjeve radhazi që kemi pasur dhe do të kemi në të ardhmen”.
Ndërsa i pyetur mbi sulmuesin e Interit, Lautaro Martinez, i cili po zhvillon një sezon mjaft të mirë, ai përgjigjet:
“Lautaro është një sulmues i madh dhe po kalon një sezon të mrekullueshëm. Është i shpejtë dhe i fortë. Në ndeshjen e parë në Camp Nou shënoi një gol të bukur”. – shtoi tekniku spanjoll.
