Demiral: Juventus ka pasur dhe ka mbrojtësit më të mirë në botë

TURIN, ITALY - AUGUST 19: Juventus players Merih Demiral and Cristiano Ronaldo during a training session at JTC on August 19, 2019 in Turin, Italy. (Photo by Daniele Badolato - Juventus FC/Juventus FC via Getty Images)

Mbrojtësi i Juventusit, Merih Demiral,në një intervistë për gazetën turke “Fanatik”, ka deklaruar se do të luftojë për një vend në formacionin e Juventusit duke thënë se aty luajnë mbrojtësit më të mirë në botë.

Demiral u bashkua Juventusit nga Sassuolo verën e kaluar por në këtë sezon ka luajtur vetëm një ndeshje në Serinë A.

“Juventus është një nga skuadrat më të mira në botë. Një skuadër me mbrojtësit më të mirë në botë, në të shkuarën dhe në të tashmen, dhe sigurisht jam i lumtur që jam këtu”.

“Qëllimi im është të jap maksimumin gjatë seancave stërvitore. Pastaj është vendimi i trajnerit për aktivizimin tim, nuk mund të mund të komentoj për këto gjëra”.

Ndërsa në lidhje me marrëdhënien e tij me Cristiano Ronaldon si shok skuadre, ai shprehet se portugezi gjithmonë është në ndihmë të tij, dhe se komunikojnë në gjuhën portugeze.

LEXO EDHE  Dhimbje koke për Simeonen, “gjiganti” i kampionëve pozitiv me Covid-19

“Ronaldo më pa të flisja në gjuhën portugeze me  Joao Cancelon kur ai po largohej drejt City-t, më pas mu afrua dhe më tha se i vinte mirë që fliste gjuhën portugeze. Që nga ajo kohë komunikojmë në gjuhën portugeze”.

“Është një person i ngrohtë. Gjithmonë më tregon çfarë duhet të bëj në fushën e lojës. Dhe nëse bëj ndonjë gabim ai më kritikon për ta korrigjuar atë”.

.