Genoa shpërdoron avantazhin e dyfishtë, barazon ndaj Lecces

LECCE, ITALY - DECEMBER 08: Andrea Tabanelli of Lecce celebrates after scoring his team's equalizing goal (2:2) during the Serie A match between US Lecce and Genoa CFC at Stadio Via del Mare on December 8, 2019 in Lecce, Italy. (Photo by Maurizio Lagana/Getty Images)

Genoa “flirtoi” me fitoren në transfertën puljeze përballë Lecces, pro e konsideroi të mbyllur përpara kohe ndeshjen dhe në fund arriti të marrë një pikë me shumë vështirësi dhe me 9 futbollistë në fushë.

Ndeshja u zhbllokua nga vetrani Goran Pandev me një gol spektakolar të në minutën e 31-të.

Në minutat shtesë të pjesës së parë ishte sërish sulmuesi nga Maqedonia e Veriut, që lëvizi mirë në zonë dhe fitoi një 11-metërsh, të cilin më pas e shndërroi në gol kapiteni Domenico Criscito.

Me avantazhin e dy golave, gjenovezët ranë në qetësi në pjesën e dytë dhe lëshuan shumë, duke i dhënë mundësi Lecces që të rihapë takimin me golin e Falcos dhe të barazojnë me anë të Tabanellit.

LEXO EDHE  Kishte 10 lojtarë të infektuar, klubi spanjoll jep lajmin e mirë

Si të mos mjaftonte kjo, fillimisht Agudelo dhe më pas Pandev, u ndëshkuan me kartonë të kuq, duke lënë Genoan për më shumë se 15 minuta me 9 lojtarë, ndonëse Lecce nuk tregoi forcën e duhur për të gjetur golin e fitores.

Vërshëllima finale e arbitrit Rocchi la në fuqi barazimin 2-2 që është si një fitore për Leccen, për nga mënyra se si erdhi ndeshja, ndërsa Genoa mbetet në zonën e ftohtë me vetëm 11 pikë në 15 javët e para të sezonit.