Dopieta e Sadikut i jep fitoren Malagës (Video)

Armando Sadiku ka rezultuar njeriu i ndeshjes në fitoren e rëndësishme të Malaga-s kundër Tenerife-s të vlefshme për La Liga-n e dytë Spanjolle.

Sulmuesi ka realizuar të dy golat në fitoren 2-0 të ekipit të tij, duke e nxjerrë përkohësisht nga zona e ftohtë e klasifikimit.

Sadiku fillimisht do të realizonte në minutën e 27 pas një zhvillimi të një goditje dënimi. Sulmuesi përfitoi nga rrëmuja në zonë për të zhbllokuar rezultatin dhe për ti dhënë avantazhin Malaga-s.

LEXO EDHE  Diktatori Setien, ky është ndryshimi kolosal mes tij dhe Valverdes

Ndërkohë goli i dytë do të vinte në fraksionin e dytë të lojës. 28-vjeçari mori përsipër të ekzekutonte një penallti të fituar me ‘VAR’ dhe nga 11 metrat nuk gaboi duke dyfishuar dhe njëkohësisht duke vulosur shifrat përfundimtare.

Malaga aktualisht renditet në vendin e 17 me 20 pikë, duke dalë përkohësisht nga zona e rënies nga kategoria.