Futbolli e pati të vështirë gjithashtu për të kaluar traumën pas tërmetit. Këtë e pohoi edhe trajneri Franko Lerda, i cili në prag të ndeshjes ndaj Bylis u shpreh se krahas përgatitjes në fushë, Partizanit iu desh edhe kohë për të kaluar situatën psikologjikisht.
“Jemi stërvitur shumë mirë. U përpoqëm ta shfrytëzojmë këtë periudhë pushimi që për fat të keq erdhi nga diçka e tmerrshme. Gjatë këtyre ditëve jemi përpjekur gradualisht ta kalojmë situatën e vështirë nga ana psikologjike. Në përgjithësi kemi gjendje të mirë. Bylisi është nga skuadrat surprizë të këtij sezoni dhe më ka lënë përshtypje të mirë në përballjen e parë. Duhet të kemi kujdes sepse vijnë shumë të uritur sidomos pas dy humbje të fundit. Duel për hakmarrje, për ti qëndruar pranë skuadrave të kreut, apo për të rikthyer qetësinë”, tha Lerda.
Tirana i luan të gjitha përballë Kukësit të vendit të dytë që ka gjithashtu të njëjtin mision, ndjekjen e Partizanit.
Në javën e 14, Luftëtari do të sfidojë Vllazninë në Gjirokastër. Laçi përballet me Flamurtarin e vendit të fundit ndërsa Teuta do të pres në Durrës Skënderbeun në një duel kreu por edhe për të rikthyer disi gëzim pas ngjarjeve të dhimbshme të ditëve të fundit.
