Në strukturën e emergjencës janë 12336 persona. Shifra u bë publike nga Kryeministri Edi Rama në mbledhjen e sotme të qeverisë, ku tha se këta persona janë të strehuar në hotele dhe çadra.
Në fjalën e tij, Rama edhe KÇK, sikundër quan ai prokurorë dhe gjykatës që e dinë se nuk kalojnë Vetting, kur tha se nuk do t’i jepet asnjë mundësi që edhe në këtë situatë të kapin ça të kapin.
“Ajo që është e rëndësishme është se të gjithë janë të garantuar sa i përket ushqimit dhe veshjeve. Ka të tjerë që ende nuk janë sistemuar. Ndaj do ju lutesha të treja shtabeve që të bëjnë maksimumin që të përfundojë kjo përfshirje për instrukturën në akomodimin e përkohshëm. Objektet arsimore me dëme të rënda janë 31.
Institucione shëndetësore me dëme të konsiderueshme që vazhdojnë punën janë 21 dhe tani që flasim inspektimi i objekteve ka arritur shifra domethënëse, 4151 objekte të inspektua në Durrës, ku 1725 janë të pabanueshme”, tha Rama.
Rama u tregua i prerë për shembjen sa më shpejt të objekteve të dëmtuara.
“Të bëhet inventari i tyre. Këtu u hap një parantezë për keqkuptim lidhur me punën paralele që po zhvillohet për hetimet dhe nxjerrjen e përgjegjësive dhe vendosjen para përgjegjësive të të gjithë atyre që do të rezultojnë përgjegjës pavarësisht fuqisë së tërmetit. Policia e Shtetit në bashkëpunim me Prokurorinë po vazhdon intensivisht hetimet dhe do të ketë rezultate në ditët në vijim. Po ju them atyre që më shkruajnë që bien pre e atyre lehaqenieve mediatike, këto raste do shkojnë në gjykatë dhe KÇK është e gatshme që të shfrytëzojë këtë moment. Ne nuk do t’i japim KÇK mundësinë që të shqyejë dhe të kapë ça të kapë. Do bëjmë çmos që këto raste do jenë të kospitura”, tha ai.
