Në vijim të takimeve me banorë të zonave të prekura nga tërmeti i 26 nëntorit, kreu demokrat, Lulzim Basha, u ndal në Lezhë, ku u takua me qytetarë që banojnë në pallatin 12 katësh, për të cilin ka patur shumë debate nese ka patur dëmtime apo jo.
Gjatë bisedës me një banore, Basha tha se duhet një vlerësim serioz dhe se nuk duhet të kalohet situata me kërcënime apo propagandë.
Dialogu
Basha: Banore këtu jeni, në çfarë kati?
Banorja: Po në katin e tretë. Jam me një plak, pa djalë pa vajzë. Nuk ka ardhë kush me na pa, as me më pyete njehrë a je gjallë. E kam operu plakun para dy javësh për zemër. Këtu kam ndejt nuk kam patur nga të shkoj.
Basha: Të shkuara burrit, a keni patur dëme?
Banorja: Dame s’kena pas, por po thonë se janë prish këtë arkitrarët poshtë, apo çka di unë sepse unë nuk jam specialiste. Po kështu po thonë, frikë kena boll me të thanë të drejtën. Të na thonë të paktën, te vijë ndonjë inxhinier nese është i banueshmë ose jo. Me frikë jemi duke fjetë për natë.
Basha: Skeni faj. Duhet vlerësuar e çertifikuar zyrtarisht qe edhe ju të jeni të qetë.
Banorja: Unë nuk di nga të shkoj, nuk merret vesh kjo punë
Basha: Duhet me pergjgjesi kjo punë
Banorja: Po. Jo si ai ministri që donte me u tall edhe me mua. A ka ndonje shtëpi të lirë që të vij të rri edhe unë. Mos u tall me ne i thashë. Ne jemi në gazep i thashë.
Basha: Është e papranueshme ajo që ban ai, është kriminale.
Banorja: Nuk duhet të tallet me popullin se tere jetën time kam punuar vetëm për këtë shtëpi.
Basha: Ata duhet t’ju qetësojnë e jo tu shqetësojnë më shumë
Banorja: Donte të tallej me ne. Nuk duam të tallesh me ne, të flasish të drejtën. Kam pas frike me një plak 80 vjeçar, me tha ik ti..
Basha: Nuk mbulohet duke ngritur zërin e me propagandë.
