Hazir Gashi ish-deputet i Partisë Socialiste është ndërtues i disa pallateve që pas tërmetit të 26 nëntorit janë shpallur të pabanueshëm dhe ka deklaruar se nuk ka mundësi të rregullojë pallatet që ka ndërtuar pasi kompania e tij ka falimentuar.
Deklaratës së ish-deputetit socialist i ka reaguar ashpër artistja Keti Bashhysa pasi disa prej pallateve të tij janë shkatërruar nga tërmeti i 26 Nëntorit dhe ka lënë shumë banorë të pastrehë.
“Shit gruan, fëmijët, motrat, vëllezërit, fisin. Shit edhe dashnoren Hazir”, i shkruan e indinjuar Bashhysa ish-deputetit socialist.
“Hazir Gashi! Dëgjova që ke thënë se: Nuk kam ç’të bëj, kompania ime ka falimentuar! Vërtetë?!!! Po kur kurseve tulla dhe beton, që të ngopje babëzinë tënde, e mendove falimentimin?!!!!! Hazir Gashi! Gjej 1 zgjidhje! Shit gruan, fëmijët, motrat, vëllezërit, fisin. Shit edhe dashnoren Hazir! Ama, ne, mijëra banorë të pallateve të tua, mos na le në rrugë, mos guxo! I kemi blerë me sakrifica ato shtëpi, me shumë sakrifica“-shkruan Bashhysa.
