Eksperti i ekonomisë Selami Xhepa është shprehur se humbjet pas goditjes nga tërmeti janë shumë më të mëdha sesa shifrat e treguara.
“Eshtë një ngjarje që ka përmasa të mëdha, kemi të bëjmë me një ndryshim të rëndësishëm dhe për shumë familje ndikimi është i jashtëzakoshëm. Bëhet fjalë për një humbje të rëndësishme që ka ndodhur me pasurinë publike dhe private. Sot nuk mund të dimë kostot e vërteta të rindërtimit, specialistët vlerësojnë se kjo është një kosto e lartë, bëhët fjalë për 10 mijë familje dhe shkalla e dëmit është jashtëzakonisht e konsiderueshme”, tha Xhepa në studion e Abcnews.
Ai ka evidentuar edhe problemet në menaxhimin e krizës, ndërsa theksoi se qasja e zgjidhjes së problemit është krejtësisht e çoroditur. “Për shkak të dimensionit të përmasës së këtij femonemi duhet të kishim një axhendë, që qytetarët ta kenë të qartë mënyare se si po procedohet. Kemi biznese të goditura, biznese të mbyllura që mund të ndikojnë negativisht vitin e ardhshëm”, u shpreh Xhepa.
Ai u ndal edhe te buxheti për vitin 2020 i cili është parë si i vështirë, por tani pas tërmetit ai shprehet se projeksionet duhen rishikuar. “Kostot pritet të jenë më të forta, ndoshta do të ishtë e domosdodhme rritja e huamarrjes për të sistemuar problemet e rëndësishme”.
Më tej ai shprehet se edhe pse është shumë shpejt për të folur për një faturë të saktë është e patolerueshmë që të mos ketë një strukturë të posaçme të dedikuar rasteve të kësaj natyre.
Sa i përket banorëve të cilëve u janë shkatërruar banesat nga tërmeti ai thotë se do të ishte një lehtësim nëse në banesat të cilat aktualisht janë bosh do të strehoheshin këta qytetarë.
“Përdorimi i banesave egzistuese të cilat janë bosh, për ti ardhur në ndihmë banorëve që i janë shkatërruar banesat është një lehtësim sepse të ndërtosh mijëra apartamente të paktën duhen dy vite”, shprehet ai.
Ndërkohë ai thekson se tregu më i madh i banesave në vend është treg privat.
“Në një shoqëri rrisku siç jemi ne, nuk ka një institucion të menxhimit të këtij risku. Ka ardhur koha që kjo të ndryshojë, individi duhet të kujdeset për pronën idividuale”, deklaroi ekonomisti.
Ndër të tjera ai theksoi se është mirë që të zgjidhet një ekspert i lartë i besueshëm për të gjitha palët dhe të bëhën tranparente sa fonde po grumbullohen dhe si po menaxhohen.
