Pas tërmetit të 26 nëntorit, që ishte me magnitudë 6.4 të shkallës Rihter, i cilësuar si më i forti që ka goditur Shqipërinë në 40 vitet e fundit, janë regjistruar edhe 1376 pasgoditje. Shifra është bërë publike nga Ministria e Mbrojtjes.
Ndërkohë mëngjesin e sotëm, nga ora 07:00 e mëngjesit të sotëm, 2 dhjetor deri më tani, ora 10:00 janë regjistruar 5 lëkundje dhe dy janë të lokalizuara.
Shqipëria e ka kaluar situatën më të vështirë të tërmetit. Ekspertë të sizmologjisë janë shprehur se situata më e vështirë ka kaluar dhe tashmë toka po i kthehet gradualisht normalitetit.
Sipas tyre, pasgoditjet e tërmetit të madh, janë krejt normale.
Tërmeti i 26 nëntorit ka shkaktuar 51 viktima dhe mbi 900 të plagosur, ndërkohë që qindra banesa janë jashtë funksionit ose të dëmtuara.
