Moderatorja Hygerta Sako ishte e ftuar në emisionin “Ftesë në 5”, ku edhe foli për tërmetin e 26 nëntorit, i cili shkaktoi 51 viktima.
Sako tregoi për mënyrën se si e përjetoi ajo tërmetin duke bërë pjesë të bisedës edhe të vëllanë.
Moderatorja tregoi se i vëllai ka pasur dëme në banesë, dhe për arsye sigurie nuk banon më në të. Rikujotjmë që vëllai i saj është Robet Sako, bashkëshorti i kryebashkiakes së Durrësit që sapo u dorëhoq nga detyra, Valbona Sakos.
“Vëllai jeton ende në Durrës, bashkë me bashkëshorten dhe dy mbesat. Unë me vajzën e ndjemë edhe atë të orës 3 dhe në goditjen tjetër e ndjemë të dyja. Vajza vrapoi nga dera, u detyrova që ta ktheja pas. Unë i kam edhe prindërit në shtëpi. Zoti të jep forcë në ato momente. Edhe im vëlla bashkë me familjen ishin të sigurtë. Pavarësisht se kanë pasur më shumë dëme në shtëpitë e tyre. Shtëpia e vëllait tim ka pasur çarje muresh dhe thyrje xhamash dhe për mometin dhe ata nuk flenë në shtëpi. Sepse është në qendër të Durrësit,”– ka thënë Hygerta.
