Liderë pa përgjegjësi morale dhe politike/ “Shpërthimi” i Arben Malajt

Zhgënjyese kjo mungesë përgjegjësie morale dhe politike e liderëve tanë që mbetet e njëjtë edhe në kushtet e një tragjedie kombëtare.

Kështu shkruan në një koment në rrjet, ish-deputeti dhe ish-ministri i PS-së, Arben Malaj, duke komentuar qëndrimin e liderëve politikë lidhur me tragjedinë e shkaktuar nga tërmeti i 26 nëntorit.

Malaj shkruan se munguan takimet institucionale, mbledhjet e strukturave për sigurinë kombëtare, apo qoftë edhe takimi i liderëve politikë në vend-ngjarje.

Tërmeti bashkoi popujt e ballkanit, por jo politikanët shqiptarë, shkruan Malaj.

Postimi i Arben Malajt

Tërmeti bashkoi popujt e Ballkanit, por nuk arriti të bashkojë dot liderët politikë të Shqipërisë. Kjo duket qartë në :

(1) asnje takim institucional i Kryetarit te Kuvendit, kryeministrit dhe Presidentit sapo ndodhi kjo tragjedi;

(2) Asnjë strukturë shtetërore për sigurinë kombëtare nuk u mblodh;

(3) Asnjë seancë parlamentare nuk u zhvillua;

LEXO EDHE  24.89 euro për MWh për parkun fotovoltaik të Karavastasë/ Balluku: Ky ishte një çmim rekord për të gjitha parqet energjetike

(4) Asnjë takim kryeministër dhe lider opozite, as institucionalisht por as edhe ne vend-ngjarje;

(5) Luftë për dominim të medias, por fatkeqësisht edhe të mbështetjeve ndërkombëtare, kush telefonoi kë dhe të kujt prej tyre janë ndihmat që dërgon një qeveri;

(6) Përçmim dhe pengim të angazhimeve publike të kryetarëve të bashkive, të cilët janë të vetmit që zgjidhen drejtpërdrejtë me votë.

Prezenca publike e angazhimeve të kryetarëve publike në shumë qytete të prekura nga tragjedia është gati zero.

Në çdo vend tjetër demokratik, kryeministri, presidenti dhe lideri i opozitës duhet të kishin në krah kryetarin e Bashkisë dhe drejtorin e Policisë së Shtetit të qyteteve përkatese.
Zhgënjyese kjo mungesë përgjegjësie morale e politike e liderëve tanë politikë që mbetet e njejtë edhe në kushtet e kësaj tragjedie kombëtare.