Sociologu Ergys Mertiri, në studion e lajmeve në Ora News, teksa komentoi rastin e 25 vjeçares, Xhuljana Aliaj, e arrestuar për përhapje paniku dhe informacione të rreme, theksoi se vajza duhet të lihet e lirë, pasi thjesht u ka kërkuar institucioneve të japin informacion lidhur me sigurinë e banorëve nga depozitat e naftës dhe gazit.
“Ka qenë thjeshtë një kërkesë për qeverinë, në kushtet e frikës që të japë shpjegim, ka rrezik apo jo. Por këta të fusin në burg për qytetari”, u shprehMërtiri.
Kujtojmë që 25 vjeçarja u arrestua ditën e sotme për shkak se shpërndau në rrjetet sociale një status ku i bëntë thirrje banorëve të Porto-Romanos që të largoheshin nga zona pasi ishte krisur hidrovori dhe mund të shpërthenin depozitat e gazit dhe natës nga lëkundjet e tërmetit.
Këtë rrezik, ajo e bazonte në një lajm të publikuar nga gazeta pranë Vatikanit “I’Avenir”.
