Kryeministri Edi Rama ka paralajmëruar mediat se do të ndërhyjë edhe forcërisht për mbylljen e tyre, nëse në situatën e krijuar, si rezultat i tërmetit tragjik që shkaktoi 40 viktima, do të përhapin lajme të rreme që hapin panik.
Rama përmes një postimi në rrjet, kujton shpalljen e gjendjes së jashtëzakonshme, duke kërkuar që të mos publikohen sharlatanizma delirantësh vendas apo të huaj.
“Paralajmëroj për herë të fundit portalet e kanalet e informimit se nê kushtet dhe kuadrin ligjor te Gjendjes së Jashtezakonshme, do jem i detyruar te nderhyj forcerisht per mbylljen e tyre deri ne fund te kesaj faze dramatike, nese vazhdojne me lajme te rreme qe hapin panik!
Në këtë situatë të jashtëzakonshme, ku duhet matur çdo fjalë është e patolerueshme që të publikohen sharlatanizma delirantësh vendas a të huaj apo të shtrembërohen, sipas avazit të zakonshëm, prononcimet e shpjegimet e arsyeshme të ekspertëve! STOP DHE STOP TANI! MENJËHERË!!!”, shkruan Rama në rrjet.
