Katër pjesëtarë të familjes Reçi humbën jetën si pasojë e tërmetit që goditi vendin në orët e para të mëngjesit të së martës.
Babai Eduard Reçi, 54 vjeç, nëna Dolora Reçi, 49 vjeç, vajza Kristi Reçi, 25 vjeç, dhe djali Klaus Reçi, 21 vjeç, do të dërgohen në banesën e fundit pas mesditës.
Familja me origjinë nga Mirdita humbi jetën në rrënojat e banesës së tyre në Durrës.
Për vajzën, Kristi Reçi, ka pasur një vërshim komentesh prekëse nga miqtë dhe kolegët. Ajo ishte studente mjekësie. Madje për Kristi Reçin një mesazh prekës postoi edhe Greg Rama, djali i Kryeministrit Edi Rama.
Kristi ishte e para që u nxorr nga rrënojat e tërmetit fatal.
