Petrit Vasili, nënkryetar i LSI-së, ka reaguar ndaj Kryeministrit Edi Rama, i cili njoftoi shpalljen e gjendjes së jashtëzakonshme për Tiranën dhe Durrësin, pas tërmetit me magnitudë 6.4 të shkallës Rihter, i cili shkaktoi 28 viktima.
Vasili duke iu drejtuar Ramës, shprehet se tërmeti kërkon veprime, jo fjalime.
“Situata është shumë e rëndë. Dëmet shumë të mëdha. Zgjidhja kërkon organizim financim dhe veprime efikase.
Kryeministri po bën fjalime dhe falenderime. Po bën fjalime dhe jo veprime. Po bën fjalime dhe jo financime.
Shqiptarët duan të dëgjojnë qartë sa financime janë vënë në dispozicion? Sa ekipe shqiptare shpëtimi veprojnë?
Sa vende janë përgatitur për vendosur njerëzit, që kanë mbetur pa shtëpi dhe ku janë dhe si është zgjidhur ushqimi i tyre?”, shkruan Vasili.
Postimi i Petrit Vasilit
Kryeministër tërmeti kërkon veprime jo fjalime!
Situata është shumë e rëndë.
Dëmet shumë të mëdha.
Zgjidhja kërkon organizim financim dhe veprime efikase.
Kryeministri po bën fjalime dhe falenderime.
Po bën fjalime dhe jo veprime.
Po bën fjalime dhe jo financime.
Shqiptarët duan të dëgjojnë qartë sa financime janë vënë në dispozicion?
Sa ekipe shqiptare shpëtimi veprojnë?
Sa vende janë përgatitur për vendosur njerëzit, që kanë mbetur pa shtëpi dhe ku janë dhe si është zgjidhur ushqimi i tyre?
Cilat janë banesat që nuk janë shembur por paraqesin një rrezik aq të lartë sa njerëzit nuk mund të kthehen me ne to?
Kryeministri e ka detyrim falenderimin për të gjithë miqtë e mirë, që erdhën nga jashtë për të na ndihmuar por ka disa pyetje për të kuptuar se çfarë nuk ka bërë dhe nuk bën kryeministri:
Pas tërmetit shumë të fortë të shtatorit pra të 2 muajve më parë: Sa komplete shpëtimi për gjetjen e njerëzve nën rrënoja u blenë?
Si u financua Emergjenca Civile me fonde shtesë pas tërmetit të shtatorit për të përballuar situatat e rënda?
Sa financime u miratuan për tërmetin e shtatorit dhe nëse miratuan të tilla si u përdorën?
Situata kaq e rëndë, që po kalojnë shqiptarët nuk ka nevojë për demostrime cinike dhe neurotike aktrimi të kryeministrit, pra nuk na duhen fjalime por veprimeeee.
DENONCO