Nga Boldnews.al
Kryeministri Edi Rama sapo takoi disa të pastrehë të mbetur nga prishja e banesave në Durrës, por në vend të hallexhinjve, të traumatizuarve, të lënduarve, shpirtvrarëve ishin mbledhur disa idhatarë të kryeministrit. “Je më i miri”-bërtetë një grua; “vetëm ty të premtoj që do e jap shtëpinë për këdo që ka nëvojë, sepse ti mendon për vendin”-bret një mesoburrë me kasketë; “Të të puth duart”-çirret një zonjë nga turma. Duatrokitje të gjata, britma në mbështetje te Ramës.
E gjithë kjo skenë filmohet, kamerat rendin nën histerimëm, kryekëshilltari, pianisti, virtuali Endri Fuga i kishte lajmëruar mediat më parë që të filmonin këtë moment historik të kreut të qeverisë.
Ka ende njerëz nën rrënoja, ka ende ankth e dhimbje të pafundme të familjarëve që shuajnë shpresën e veniten nën lot për fatin e jetëve që janë nën pirgjet me inerte. Atje është vendi i ngjarjes, aty duhet mbajtur fryma, atje duhet vëmendja. Atje duhen ata ushtarë komando që rreshtoheshin me urdhër eprorësh para kryeministrit.
Të lutëm Fugë, ndale pak hapin e kryeministrit, pëshpëirti në vesh një këshillë: “Mos sot, të lutem jo shfaqje spektakli”!
E tragjedia mediatike është edhe më e madhe sepse pikërisht kur Rama duartrokitej dhe tentonin ti puthnin duart, në flesh ashtu kalimthi shfaqej mesazhi i Papa Françeskut, që lutej për Shqipërinë në këto ditë të vështira. “Dua ta nis me një përshsndetje dhe shpreh afërsinë me popullin shqiptar që ka vuajtur shumë gjatë këtyre ndihmave. Lutem për viktimat, Zoti e bekoftë këtë popull”-shprehet në mesazhin ngushëllues Papa Françesku.
Askush nuk e ndali hozivin kryeministror dhe të jepnin këtë mesazh domethënës, pasi për mediat e blera dhe vetëofruara reklama e kryeministrit ioshte më e rëndësishme. -Ne lutemi për ty Fugë, bëhu pak minuta njeri, ka jetë edhe përtej propagandës!
