Nga momenti që Shqipëria u godit nga tërmeti me magnitudë 6.4 të Shkallës Rihter, janë regjistruar edhe 310 pasgoditje.
Sipas të dhënave të Agjencise së Mbrojtjes Civile dhe Igjeum që prej mëngjesit të djeshëm, ora 03.54 kur goditja kryesore pati magnitude 6.4 të Shkallës Rihter, e deri rreth orës 08:00 të mëngjesit të sotëm, janë shënuar 310 pasgoditje.
Nga tërmeti, që rezulton më i forti në 40 vitet e fundit, humbën jetën 26 persona, ndërkohë që janë plagosur 650 qytetarë.
Dëmet më të mëdha, tërmeti i shkaktoi në Durrës dhe Thumanë.
