Kane thyen rekordin e Del Pieros në Ligën e Kampioneve

Harry Kane po kalon një formë mjaft të mirë, sidomos në Ligën e Kampioneve, teksa në sezonin aktual ka arritur të shënojë 6 gola në 5 ndeshje.

Mbrëmjen e djeshme, ai ishte protagonist në atë përmbysje të çmendur që Tottenham, bëri ndaj Olympiacos duke shënuar 2 nga katër golat e skuadrës, duke bërë të mundur përmbysjen e dy golave disavantazh.

Sulmuesi anglez, me këto gola është bërë lojtari që i ka shënuar më shpejt 20 gola në Ligën e Kampioneve, ku e arriti këtë shifër në vetëm 24 ndeshje të luajtura.

LEXO EDHE  Leicester i jep "shuplakë" Man.City-t , shkëlqen Jamie Vardy!

Rekordi i mëparshëm mbahej nga legjenda e Juventusit, Alessandro Del Piero, i cili i kishte shënuar 20 gola brenda 26 ndeshjesh. I treti në renditje ka mbetur ish-ylli i Manchester Unitedit dhe Real Madridit, Ruud van Nistelrooy, i cili i kishte shënuar 20 gola në 27 paraqitje.