Pas tërmetit me magnitudë 6.4 të shkallës Rihter që goditi Shqipërinë rreth orës 04:00, janë regjistruar edhe 15 pas goditje të tjera.
Pas lëkundja më e fortë u regjistrua në orën 07:08 minuta mëngjesin e sotëm, me forcë 5.5 të shkallës Rihetr, ndërsa epiqendra ishte në Kepin e Rodonit, Durrës.
Pasojat nga tërmeti janë tragjike, ndërsa deri më tani numri i viktimave ka shkuar në 6. Raportohet për të tjera persona nën rrënoja, grupet e punës po vijojnë operacionet për shpëtimin e tyre. Dëmet materiale janë të pallogaritshme, ku janë shembur pallate e ndërtesa.
Qindra persona janë paraqitur në spital për të marrë ndihmën e shpejtë, ndërsa autoritet kanë bërë thirrje për sa më pak lëvizje në rrugë, në mënyrë që të mos pengohen ambulancat.
