Një ditë më parë, gjatë ndeshjes së basketbollit mes Tiranës dhe Teutës, një prej lojtarëve bardheblu ka uashtruar dhunë fizike ndaj gjyqtarit të sfidë, Jurgen Muho, i cili prej dy muajsh ka marrë edhe licencën e arbitrimit ndërkombëtar. Ndërsa basketbollisti Bruno Daliu, është shoqëruar në komisariatin e policisë.
Lidhur me ngjarjen e ndodhur dje në ‘Ramazan Njala’ ka reaguar edhe Federata Shqiptare e Basketbollit, e cila e ka dënuar ashpër këtë veprim.
Por vetë Federata nuk ka kërkuar aspak ndjesë, pasi një pjesë të madhe të përgjegjësisë për dhunën në stadiume e ka dhe ky institucion.
FSHB është një nga të paktat institucione sportive në vend, e cila ka zero transparencë, se sa paguhen arbitrat (për të cilët thuhet se marrin shuma të majme), gjithashtu ka mungesë të theksuar të tranpsarencës për mbledhjet e zhvilluara dhe vendimet që merr ndaj arbitrave, për të cilët ka ankesa të shumta nga të gjitha klubet shqiptare.
Ajo që vihet re prej vitesh në Basketbollin shqiptar, është se arbitrat sillen në fushën e lojës sipas qejfit të tyre apo oreksit të FSHB-së, dhe fituesin e përcaktojnë ata dhe jo fusha e lojës.
Ndërkohë që në finalen e vitit të shkuar mes Goga Basket dhe Teutës, pati një tjetër rast skandaloz, ku klubi i Teutës kërkoi ndërhyrjen e presidentit të FSHB-së dhe atë të Goga Basket, pasi nuk kishte bileta për tifozët e ‘djemve të detit’.
Gjithashtu dhe për sfidat filanale mes dy skuadrave Goga Basket dhe Teutës, ka patur akuza të forta ndaj arbitrimit, ku nuk mundguan edhe ato për përcaktim të fituesit.
LEXO EDHE:
Goditi arbitrin gjatë ndeshjes, arrestohet basketbollisti i Tiranës (EMRI)
Skandali/ Basketbollisti i Tiranës rreh arbitrin me grushte derisa sa e shtrin në tokë (VIDEO)
