I plas arma në dorë teksa e montonte, plagoset rëndë 21-vjeçari (EMRI)

Një 21-vjeçar nga qyteti i Poliçanit është plagosur rëndë, gjatë montimit të një pushke me saçme, që e kishte improvizuar vetë. 21-vjeçari Aleksandër Shatro, ka qenë duke montuar armën, kur saçmja i ka plasur ndër duar e fytyrë, duke e plagosur rëndë.

Ai është transportuar fillimisht në Spitalin Rajonal të Beratit, por për shkak të dëmtimeve të shumta që ka marrë në fytyrë e trup, ai është transportuar drejt Spitalit të Traumës në Tiranë.

Burimet pranë Repartit të Kirurgjisë në Spitalin Rajonal të Beratit konfirmojnë se i plagosuri kishte pësuar djegie të shumta dhe dëmtime të rënda në fytyrë e kraharor dhe pas dhënies së ndihmës së parë mjekësore, është transportuar drejt Tiranës.

LEXO EDHE  Mjekët s’e kuptuan origjinën e sëmundjes së saj, 18-vjeçarja studion mjekësi dhe diagnostikon veten

Burimet zyrtare të Policisë së Beratit konfirmojnë se ngjarja ka qenë aksidentale. Sipas policisë, 21-vjeçari e kishte ndërtuar në mënyrë artizanale vetë armën, tip pushkë me saçme dhe gjatë montimit të kësaj pushke pa leje, ajo i ka shpërthyer në dorë.