VIDEO/ Dortmund ndalet në “Signal Iduna Park” nga Paderborn

Borussia Dortmund nuk ka shkuar më shumë se një barazim në javën e 12-të të Bundesliga-s, ku u përball me Paderborn.

Paderborn shokoi në ‘Signal Iduna Park’, duke krijuar një avantazh me tri gola.

Takimi u zhbllokua qysh në minutën e 5’, kur Streli Mamba shënoi për 0:1, duke kapur në befasi skuadrën ‘Verdh e zi’.

Ishte i njëjti lojtar ai që shënoi për 0:2, kur luhej minuta e 37’ e takimit, duke dhënë sinjalin se Paderborni kishte udhëtuar për tri pikët.

Gerrit Holtmann vulosi rezultatin e pjesës së parë, kur shënoi për 0:3, dy minuta para fundit të pjesës së parë.

LEXO EDHE  Derbi Partizani-Tirana/ Publikohet formacionet zyrtare

Golin e Dortmund e shënoi talenti anglez, Jadon Sancho, në minutën e 47’.

Skuadra e Lucien Favre shënoi edhe një herë në minutën e 84′ me anë të mesfushorit Axel Witsel, por kjo ishte krejt çka ata arritën, duke rritur shpresat në maksimum.

Ishte ikona e klubit, Marco Reus, i cili barazoi gjithçka në minutat shtesë të takimit, duke bërë që të dy skuadrat të marrin nga një pikë.

Me këtë barazim, Paderborn ngjitet në kuotën e pesë pikëve, dhe mbetet në vendin e parafundit në tabelë, kurse Dortmund është tani në kuotën e 20 pikëve, në vendin e pestë.