Përplasja për Kushtetuesen/ Nishani: S’ka nevojë të shkojë në Venecia

Në një lidhje direkte për emisionin “Opinion”, kryetari i Këshillit Kombëtar i PD-së dhe ish-presidenti Bujar Nishani është shprehur se përplasja për Gjykatën Kushtetuese nuk ka nevojë të shkojë në Komisionin e Venecias.

Ai nuk pranoi të komentonte përplasjen mes Ambasadës Amerikane në Tiranë dhe Presidentit Ilir Meta. “Natyrisht që nuk marrë përsipër të bëj komente mbi komente, qoftë për Presidentin qoftë për Ambasadën”, tha ish Presidenti.

Lidhur me sugjerimin e Ambasadës së SHBA për t’ju adresuar Komisionit të Venecias, Nishani tha se thelbi qëndron kund tjetër, që nuk ka as kohë dhe asnjë arsye për të gjykuar edhe njëherë reformën në drejtësi. Komisioni i Venecias ka thënë shumë për këtë çështje.

LEXO EDHE  Po afrojnë festat e fundvitit/ Lushnjarët bëjnë roje natën për të ruajtur gjelat e detit

I pyetur se cila është anëtare e Gjykatës Kushtetuese, Arta Vorpsi apo Marsida Xhaferllari, ish presidenti tha se kjo nuk ka asnjë diskutim, pasi midis Kushtetues dhe Ligjit prevalon Kushtetuta.

“Marsida Xhaferllari, ajo është kandidaturë që ka zgjedhur presidenti. Për këtë ka folur edhe Gjykata Kushtetuese, që është i vemti organ duke e afishuar emrin e saj. Është fakt që konfirmon betimin e anëtares së Gjykatës Kushtetuese”. tha ai.