Kallëzim penal për projektin e “Unazës se Re”/ Balliu: Kompania Salillari nën hetim, të ndërpriten punimet (VIDEO)

Partia Demokratike ka depozituar kallëzimin penal në Prokurorinë e Tiranës për projektin e “Unazës se Re”. Partia Demokratike i kërkon prokurorisë nisjen e hetimeve dhe pezullimin e punimeve deri në përfundimin e hetimeve.

“Projekti i korruptuar po bën gjenocid te ‘Unaza e Re’. Ky projekt ka vetëm një qëllim, kullat dhe jo rrugën, vjedhjen dhe jo rrugën. Ka për qëllim të mbushi xhepat e pushtetarëve dhe oligarkëve. Si ka mundësi që kompania Salillari e cila është aktualisht nën hetim te loti numër 2 ka fituar tenderin te loti numër 1 i të njëjtit projekt dhe këto prova ja kemi dërguar dhe prokurorisë”, tha ish-deputeti Klevis Balliu në një prononcim për gazetarët, pasi dorëzoi padinë në prokurori.

Për kompaninë Salillari, kërkoi që prokuroria të urdhërojë pezullimin e punimeve, siç ndodhi me kompaninë “DH Albania”, pas publikimit nga media të dokumenteve të falsifikuara nga kjo firmë për të fituar një tender për punimet në aksin e Unazës.

“PD ka denoncuar aferat te Unaza që nga nxjerrja e ligjit të sponsorizimeve nga Ave Consulting, që nga shkelja e ligjit për të bërë një projekt pa bërë studimin teknik që duhet një gjeodet dhe është faktuar nga dokumneta zyrtare të qeverisë që kompania Ave Consulting nuk ka topograf për të bërë projektin. Që nga fakti që nuk është bërë konsulti mjedisor me qytetaët, pavarësiht se banorët kanë 1 vit e 15 ditë që kërkojnë dialog. Të gjitha aferat korruptive të gjitha dokumnetat e falsifikuara, të gjitha shkeljet ligjore dhe shkeljet e VKM-ve të vetë kësaj qeverie sot janë faktuara dhe janë provuar dhe kjo prokurori duhet menjëherë të nisi hetimet dhe të pezullojë punimet te Unaza e Re. Këtu bëhet fjalë për jetë njerëzish. Këtu po kalohet nga një mision, ai i Unazës në një mision humanitar. Ata po shkatërrohen po goditen, po u hidhet gaz lotsjellës, po dhunohet, po u shkatërroheN shtëpitë për shkak të një projekti korruptiv, i cili ka për qëllim të prishë foletë e atyre banorëve për të ndërtuar kështjellat e oligarkëve dhe pushtetarëve të inkriminuar”, tha Balliu.

LEXO EDHE  Sekuestro pasurive me vlerë mbi 540 mijë euro/ Ja kujt i përkasin