Gjykata Kushtetuese/ Nishani: Dy, tre zonja kanë marrë 4 në provimin e magjistraturës

Ish-presidenti i Republikës, Bujar Nishani, i ftuar në emisionin “Tempora” në RTV Ora u shpreh se në Gjykatën Kushtetuese po tentohet të emërohen anëtarë që nuk kanë marrë shkollën e magjistraturës.

Nishani tha se dy, tre zonja kanë marrë 4 në provimin e magjistraturës. Më tej, Nishani nënvizoi se shumë kanë pranuar të bëhen lecka për tu keqpërdorur në dëm të interesit publik dhe çmund të presin shqiptarët kur ata nuk fitojnë dot shkollën për tu bërë gjyqtarë.

“Klasa politike etiketohet më të drejtë. Shumë kanë pranuar të bëhen lecka për t’u keqpërdorur në dëm të interesit publik.

Dy apo tre zonja që në jetën e tyre private mund të jenë shumë të nderuara, kanë vajtur dhe kanë marrë 4 në provimin për magjistraturën, nuk janë kualifikuar dhe nuk kanë hyrë dot në shkollën e magjistraturës.

Nëse ne shqiptarëve i themi që në reformën në drejtësi, dërgohen në gjykatë kushtetuese ato që nuk kanë fituar dot shkollën për tu bërë gjyqtarë, ç’mund të presin shqiptarët.

Këta nuk kanë marrë dot 5. Shkojnë në Kushtetuese me një listë me 3 veta, për tre vende. Ajo që ka qenë e shkëlqyer dhe është emëruar gjyqtare gjatë administratës socialiste e është përplasur në aktivitetin e saj me konflikte të mëdha interesi kur ka qenë në KED, sot ka zero pikë nga njerëz, që janë zgjedhur politikisht.”-deklaroi Nishani.

LEXO EDHE  “Tani Durrësin e drejton Vangjush Dako, po fsheh gjurmët e veta”

LEXO EDHE: 

Nishani: Po jetojmë një kohë anormale, jemi gati në gjysmë anarki