Kryeprokurorja e Përkohshme Arta Marku ka paralajmëruar ankim për renditjen e KLP në garën për kryeprokurorin e ri.
Marku u rendit e dyta me 406 pikë, pas Olsian Çelës me 459 pikë. Ndërsa e treta u rendit Fatjona Memçaj me 362 pikë.
Në një kërkesë drejtuar KLP-së këtë të martë, Arta Marku kërkon që ti vihet në dispozicion “pikëzimi i detajuar prej secilit anëtar të Këshillit të Lartë të Prokurorisë me analizën dhe metodologjinë përkatëse të vlerësimit të ndjekur nga secili anëtar”. Kjo, shpjegohet në kërkesë, me qëllim “që të vlerësoj të drejtën time për të ushtruar ankim kundër vendimit të Këshillit të Lartë të Prokurorisë”.
Nëse bëhet ankimi, brenda 7 ditëve duhet të shqyrtohet nga Gjykata Administrative e Apelit.
