Basha takon ministren e Jashtme suedeze: Angazhimi ynë, plotësimi i kushteve të Bundestagut

Kryetari i Partisë Demokratike, Lulzim Basha, pati sot një takim me Ministren e Jashtme të Suedisë, Ann Linde, ku i ka shprehur mirënjohjen e tij për mbështetjen që Suedia i jep Shqipërisë në rrugën e antarësimit në BE.

Basha shprehet për miratimin sa më parë të Reformës Zgjedhore, zgjedhjet e lira dhe të ndershme, ndarja e politikës nga krimi, vënia para drejtësisë e atyre që manipulojnë zgjedhjet. Sipas Bashës, këto janë rruga e vetme që do të përshpejtojë hapjen e negociatave të Shqipërisë me BE.

“Sot pata kënaqësinë të bisedoja me ministren e Jashtme të Suedisë Ann Linde, të cilës i shpreha mirënjohje për mbështetjen që Suedia i jep Shqipërisë në rrugën e antarësimit në BE. Angazhimi ynë është të kontribuojmë për të plotësuar kushtet e Bundestag.

LEXO EDHE  Parashikimi i motit për javën/ SHMU: Mëngjese të ftohta, ja çfarë ndodh në mesditë

Miratimi sa më parë i reformës zgjedhore, zgjedhjet e lira dhe të ndershme, ndarja e politikës nga krimi, vënia para drejtësisë e atyre që manipulojnë zgjedhjet, nxjerrja e sistemit të drejtësisë nga ndikimi politik dhe hetimi i korrupsionit në nivele të larta, jane rruga e vetme që do të përshpejtojë hapjen e negociatave të Shqipërisë me BE”, shkruan Basha.