Gramoz Ruçi, Kryetar i Kuvendit, nuk ka nguruar të ripërsërisë kritikat ndaj Bashkimit Europian lidhur me refuzimin që iu bë Shqipërisë dhe Maqedonisë së Veriut, për hapjen e negociatave.
Në takimin “Sfidat e sigurisë së NATO-s përballë teknologjisë”, Ruçi theksoi se perspektiva e Aleancës së Atlantikut të Veriut për sigurinë është më avancuar se ajo e Bashkimit Europian.
“Kjo situatë dëmton jo vetëm vendet e rajonit, por vetë sigurinë në BE. NATO dëmtohet nga këto qëndrime konfuze të BE-së.
Jemi në kryqëzimin e ndikimeve të huaja, por jo të gjitha vendet në Ballkan kanë perspektivën perëndimore si Shqipëria
Nuk mendoj se refuzimi për hapjen e negociatave do pasohet direkt nga rritja e influencës ruse dhe kineze. Por duhet të pranojmë se jo të gjitha vendet e rajonit kanë të njëjtin vizion Perëndimor si Shqipëria.
Disa nga fqinjët tanë janë më pak të imunizuar nga influencat jo perëndimore kjo bën rajonin tonë më të dobët dhe më të thyeshëm ndaj tyre”, paralajmëroi Ruçi.
Gramoz Ruçi i përket brezit të politikanëve që nisi karrierën në sistemin diktatorial, duke qenë pjesë e PPSH-së dhe duke pasur funksione të larta, dhe është ministrio i fundit i Brendshëm, i qeverisë së diktaturës.
