Kreu demokrat Lulzim Basha do të vijojë turin e takimeve me fermerët. “Rrugëtimi për Shqipërinë” i nisur nga Basha rreth 3 javë më parë, fillimisht me të rinjtë dhe të rejat, më pas me bizneset prodhuese, dhe së fundmi me fermerët, do të ndalet në Lezhë.
Basha deri më tani ka shpalosur pjesë të programit të PD-së mbi mbështetjen e fermerëve dhe subvencioneve në bujqësi, ndërsa ka akuzuar Kryeministrin Edi Rama se paratë që duhet të përfitojnë fermerët ua jep 5 oligarkëve.
Madje, sipas Bashës, për shkak edhe të mbështetjes që Rama i jep oligarkëve, prodhimet vendase kalben dhe hidhen në rrugë, pasi favorizohen prodhimet e importit, që sillen nga oligarkët.
