Ish-deputeti i LSI-së, Përparim Spahiu, e konsideron si teorik dhe qasje jo korrkte të Bankës së Shqipërisë, parashikimin e saj se mungesa e fuqisë punëtore do të sjelli rritje të pagave.
Spahiu shkruan në një postim në rrjet se emigrimi masiv i shqiptarëve nuk ka dhe nuk do të ketë asnjë element pozitiv për vendin.
Po kështu sipas tij, biznesi i vogël dhe i mesëm, si punëdhënësi kryesor në Shqipëri, është në kushtet e mbijetesës e për pasojë nuk e ka mundësinë e rritjes së pagave.
“Politikat e taksave të larta, çmimi i lartë i energjisë, korrupsioni në nivelet më të lartë i adnistratës tatimore, raportet negative të të bërit biznes, kthimi në një vend me risk të lartë të pastrimit të parave kriminale që çon në konkurencë të pandershme, mungesa totale e politikave stimuluese të prodhimit, janë disa nga faktorët që kanë vënë në vështirësi ekstreme ekonominë tone”, shprehet ai.
Sipas ish-deputetit, Shqipëria ka një trend rënës të rritjes ekonomike, dhe po shkon drejt një stanjacioni të frikshëm, e për pasojë dhe një kërkese të ulët për fuqi punëtore.
