Zvicra dhe Danimarka janë dy kombëtaret e radhës që kualifikohen në Euro 2020. Helvetët shkatërruan me rezultatin tenistik, 6-1 Gjibraltarin, duke e mbyllur kështu grupin D në krye të tij me 17 pikë.
Granit Xhaka shënoi golin që i vendosi kapat takimit, teksa më parë kishin shënuar Itten dy herë, Vargas, Benito dhe Fassnacht. Goli i nderit për vendasit mban firmën e Styche.
Fitore të thellë mori Italia, e cila shkëmoqi me rezultatin 9-1 Armeninë. Për të kaltërit shënuan Zaniolo dhe Immobile dy herë, ndërsa goleada u kompletua nga Barella, Romagnoli, Jorginho, Orsolini dhe Chiesa.
Kjo fitore e kthen pretendente Italinë, që koleksionon fitoren e 10 nga 10 takime në grupin J. “Manita” regjistroi Spanja ndaj Rumanisë, ndërkohë që Suedia fitoi 3-0 ndaj Ishujve Faraoe.
