Ajo e udhëheqësit të PS-së, Edi Rama dhe kryetarit të Bashkisë së Tiranës, Erion Veliaj nuk duket të jetë një histori dashurie… Marrëdhënia e tyre e ftohtë u shfaq edhe këtë të shtunë, gjatë një aktiviteti në kryeqytet.
Në ERTV, kanali ku ‘specialistët’ e PIAR-it të Ramës shpërndajnë materiale propagandistike, u shfaqën pamje nga vizita e Ramës në “Sheshin Skënderbej”. Aty ku po zhvillohet panairi “Shqipëria punon tokën”.
https://www.facebook.com/edirama.al/videos/436620417045507/
Gjatë marshimit të tij, kryeministri Edi Rama shoqërohet krah për krah me ministrin e Bujqësinë dhe Zhvillimit Rural, Blendi Çuçi.
Në aktivitet, i pranishëm është edhe Erion Veliaj, kryebashkiaku i Tiranës. Megjithatë, ky i fundit nuk guxon të ecë krahë kryeministrit, por shfaqet pas tij. Nga pamjet e shpërndara në kanalin propagandistik të shefit të socialistëve, Veliaj duket komplet i shpërfillur nga Rama, që nuk i kushton vëmendje për asnjë sekondë. “Lali” nga ana tjetër e fikson me sy teka Rama marshon dhe flet.
Një lajm për aktivitetin ka publikuar edhe ATSH, agjencia shtetërore e lajmeve, që drejtohet nga një prej njerëzve që kujdesen për PIAR-in e Ramës. Vëmendja fokusohet te deklaratat e Ramës dhe Çuçit. Veliaj, nga ana tjetër, nuk përmendet në asnjë resht.
Pse Rama e trajton Veliajn si bishti i kavallit?
Në media, është raportuar edhe më herët se marrëdhënia e Veliajt me Ramën është e ftohtë dhe se “lali” synon t’ia rrëmbejë kryeministrit fronin E PS. Megjithëse, publikisht është treguar i kujdesshëm të mos e shprehë asnjëherë.
