Pesë persona raportohet të kenë vdekur në Bolivi për shkak të përplasjeve mes mbështetësve të ish-presidentit Evo Morales dhe forcave të sigurisë. Sipas raportimeve në mediat vendase, një mjek u shpreh se shumica e të plagosurve kanë plagë plumbash.
Autoritetet e Bolivisë mësohet se nuk kanë raportuar për vdekjet në qytet.
Kujtojmë se Morales dha dorëheqjen të dielën e kaluar, (10 nëntor) mes protestave që shpërthyen pas zgjedhjeve presidenciale. Mësohet se ai është larguar drejt Meksikës.
Në një prononcim për BBC, Morales deklaroi se mund të ndiqej penalisht nëse kthehej në Bolivi.
Presidenca mbahet nga Jeanine Anez, e cila u vetëshpall si presidente. Lidhjet me Venezulelën qeveria i ka prishur dhe po dërgon në shtëpi më shumë se 700 mjekë kubanë.
