Kreu i PD, Lulzim Basha nga Ura Vajgurore foli për situatën politike në vend. Referuar betimit që gjyqtarja Arta Vorpsi bëri te noterja, Basha tha se nuk mund të bëhet shtet me noterë dhe parukierë. Kreu i PD tha se në tryezën e Europës është shtuar çështja e krizës politike dhe zgjidhja janë zgjedhjet.
“Nuk është gjykata ime, është gjykata juaj. Me noterë e parukierë siç i tha Presidenti nuk bëhet shtet. Sot ka dy mënyra, një mënyrë është të bësh sikur bën teatër bashkë me ta dhe asgjë nuk kishin për të ndaluar. Gjëja tjetër është që ti tregonim gjithë shqiptarëve se çfarë bëhet, prandaj dolën me njerëzit. Sot çfarë arritëm ? Sot ke atë që Bundestagu thotë, që në Shqipëri ka një krizë të rëndë politike. Pa e zgjidhur atë nuk ju hapim derën.” – u shpreh Basha
***
Më tej lideri demokrat tregoi 5 pikat e planit për të dalë nga kriza.
“Shfrytëzimi i fermerit shqiptar për të favorizuar 5 grosistë, miq të qeverisë dhe kryeministrin, një bade hajdutësh që pasurohen, kjo do të marrë fund që ditën e parë. Kjo krizë ka zgjidhje. Nuk është pa zgjidhje. Zgjidhja fillon nga një qeveri që ju dëgjon, nga një kryeministër që ju dëgjon dhe kupton hallet tuaja.
Ne kemi një plan që nuk e kemi shpikur por që janë modele që kanë dhënë rezultat. Me standardet që përdor Europa t’ju vendosim në të njëjtat pozita me fermerët e rajonit.
1.Ndryshimet e TVSH-së do të marrin fund. Terrori për të pajisur fermerin me NIPT do të marrë fund. Fermeri do të indentifikohet me nr personal të indentifikimit.
2.Çdo vit do të ndajmë 100 milionë euro në buxhet vetëm për t’ju subvencionuar dhe që nuk do të kalojë nëpërmjet grumbulluesve por dretpërdrejt tek fermeri në bazë të prodhimit. Subvencionim fiks për çdo tonelatë prodhim. Ky subvencion do të paguhet drejtpërdrejt tek fermeri pa asnjë kufizim. Nqse çertifikohet prodhimi, do të marrësh drejtpërdrejt subvencion.
3.Në paketën tonë për arsimin e lartë do të zerohen tarifat për bachelor dhe master, bursë mbështetëse për fëmijët tuaj të cilët duan të marrin aftësi profesionale në sektorët që i shërbejnë zhvillimit rural.
4.Aksesi i prodhimeve tuaja në treg do të jetë i garantuar. Nuk do të kletë më barriera, monopole dhe trarë të fshehur që çojnë në kalbjen e produkteve. Fermeri shqiptar nën qeverisjen time nuk do të ketë asnjë pengesë për ta çuar prodhimin në treg dhe për ta shitur e marrë fitimin që i takon.
5.Në infrastrukturë, siç do të rezervojmë 100 milionë euro për subvencionet, do të rezervojmë 50 milionë euro çdo vit. Ky do të jetë mkinimumi. 50 milionë euro infrastrukturës në shërbim të bujqësisë, duke filluar nga rrugët kryesore, në sera dhe ara, në vaditje, kanalizimet, mbështetja me energji elektrike, mbështetje me impiantet e përpunimit bujqësor, çdo vit 50 milionë euro infrastrukturës ndihmëse.”-përfundoi Basha.
