Socialistët do të paraqesin nesër në seancën e jashtëzakonshme të Kuvendit, një pr/rezolutë ku përcaktohet qëndrimi i Parlamentit shqiptare, lidhur me situatën e krijuar me anëtarët e Gjykatës Kushtetuese.
Kjo është vendosur në Konferencën e Kryetarëve, ku mësohet se është diskutuar lidhur me qëndrimin e Presidentit Ilir Meta, i cili caktoi mbrëmjen e djeshme Marsida Xhaferllarin si anëtaren e Gjykatës Kushtetuese.
Burimet bëjnë me dije se rezoluta do të paraqitet nga grupi socialist, ndërsa Kuvendit që ka në përbërje edhe një grup deputetësh të cilësuar si opozita e re, do t’i kërkohet të mbajë qëndrim lidhur me dekretin e Presidentit Ilir Meta për dekretimin e Xhaferllarit në Kushtetuese.
Ndërkohë, pasditen e sotme, Presidenti ka thirrur për t’u betuar në Presidencë Elsa Toskën dhe Fiona Papajorgjin, por edhe Marsida Xhaferllarin.
Në anën tjetër Arta Vorpsi, e cilësuar nga KED dhe Rilindja si anëtare e Kushtetueses, ka zgjedhur të shkojë në një zyrë noteriale, ndoshta për t’u betuar.
