Shëndetësia vijon të mbetet një nga sektorët më problematikë në Shqipëri.
Një nga “plagët” më të mëdha të këtij sektori jetik për qytetarët, është edhe largimi masiv i infermierëve dhe mjekëve drejt Gjermanisë.
Kjo ka shkaktuar tkurrjen e personelit mjekësor në të gjitha spitalet dhe qendrat shëndetësore që operojnë në Shqipëri.
Shumica e mjekëve të kualifikuar janë larguar drejt Gjermanisë dhe vendeve perëndimore, për shkak të pagave më të larta dhe kushteve më të mire që iu ofrohen atje.
Një nga pasojat e këtij “eksodi” është se në spitalet tona tashmë kanë mbetur vetëm “mjekët dhe infermierët kasapë”.
Lidhur me këtë çështje, një qytetare ka denoncuar në redaksinë e JOQ Albania, se çfarë i ka ndodhur sot gjyshit të saj teksa ka shkuar në qendrën shëndetësore “Jani Vruho” në Berat për të kryer kontrollin bazë shëndetësor, i njohur ndryshe si Check Up.
Mirëpo, gjyshi i saj nuk ka gjetur mjekë e infermierë në qendrën shëndetësore, por “kasapë”, që ja kanë nxirë krahun, pasi mezi ja kanë gjetur damarin.
Dhe me të drejtë qytetarja e revoltuar thotë: ‘Ja pra, kjo është mjekësia që duam, të na bëjnë copë e çikë nga krahët“.
Mesazhi i plotë:
Pershendetje JOQ! Doja t’iu dergoja rastin e gjyshit tim sot,i cili shkoi te kryente Check Up-in shëndetsor dhe shifeni si e kan berë nga krahët. Check Up-in e kreu tek qendra shëndetësore ‘Jani Vruho’ Berat. Ja pra kjo eshte mjekësia qe duam ,te na bëjnë copë e çikë nga krahet.
