Çudirat s’kanë fund! Ja dokumenti që dorëzoi Arta Marku në KLP

Duket se sot është dita e çudirave… Pasi Arta Vorpsi u betua përpara një notereje për t’u bërë anëtare e Gjykatës Kushtetuese, mësohet një tjetër histori befasuese.

Pak ditë para se Këshilli i Lartë i Prokurorisë të përpilonte listën përfundimtare të kandidatëve për Prokuror të Përgjithshëm, Arta Marku ka dorëzuar një dokument të pazakontë.

Marku ka realizuar në mënyrë individuale, me anë të telefonatave, një sondazh sipas të cilit mbi 3000 njerëz do të preferonin që ajo të zgjidhej Prokurore e Përgjithshme.

LEXO EDHE  Video epike/ Zbulohen "mesazhet sekrete" të rilindasve në Whats App pas tërmetit

Sondazhi, një kopje të të cilit A2 disponon, është hartuar kur në garë ishte ende avokati Lulzim Alushaj.

Nga 5896 votues, 3157 vetë kanë shprehur preferencën që Marku të jetë Prokuror e Përgjithshme, ndërsa 1258 kanë zgjedhur Lulzim Alushajn.

Olsian Çelaj, i cili u rendit i pari në listën e KLP, ka marrë vetëm 917 vota, ndërsa Fatjona Memçaj 564.