Meta: KED ka përdorur standarde të dyfishta, Xhaferrllari u diskriminua, është më e mira

Presidenti Meta, teksa foli me dekretimet për Gjykatën Kushtetuese, tha se nuk mund të fajësohet Presidenti për gabimet dhe mungesën e përgjegjësisë të Parlamentit. Sipas tij, Parlamenti nuk kishte pse të mos bashkëpunonte me Presidentin, në një kohë kur ai është lajmëruar.

“Është njoftuar edhe Avokati i Popullit”, sqaroi Meta në një deklaratë për mediat. Kuvendi, sipas Metës, është i qartë në veprimet e tij.

“Unë i kam kërkuar Kuvendit të sillet me përgjegjësi pasi këtë e kemi si kusht. I them se sapo ju të zgjidhni vakancën tuaj unë brenda 24 orëve do caktoj vakancën e dytë dhe të mos vendosej presidenti në një pozicion të vështirë. Praktikisht mbeti në këtë situatë ku nga tre kandidatë mbetën vetëm dy. Presidenti nuk merr përgjegjësitë e Kuvendit. Por merr përgjegjësitë e tij dhe i ushtron ato në mënyrë të përgjegjshme dhe të hapur para qytetarëve të Shqipërisë. A është ky një proces perfekt. Jo! Nuk është perfekt se nëse do të ndiqnim një proces perfekt asnjë vakancë nuk do ishte plotësuar. Pasi për çdo vakancë do të kishin tre emra dhe jo një listë për të gjitha vakancat. Ne e kemi paralajmëruar KED se po gabonte. KED ka përdorur standarde të dyfishta. Ka eliminuar kandidatë që kishin plotësuar të gjitha kriteret”, deklaroi Meta.

LEXO EDHE  Berisha nxjerr bllof Ramën: Kallam Dështaku inaguroi lotin e dytë të rrugës që duhet të kishtë përfunduar në 2014-n