Tre persona janë arrestuar nga policia gjermane, pasi dyshohet se do kryenin akte terroriste, si mbështetës të ISIS.
Dyshohet se të arrestuarit do kryenin sulme me bomba ndaj jo-muslimanëve.
Prokurorët në Frankfurt, thanë se policia ka bastisur tri apartamente në qytetin Ofenbah, ku u arrestuan tre të dyshuarit.
I dyshuari kryesor është një 24-vjeçar, shtetas gjerman dhe me origjinë maqedonase. Ai kishte siguruar materiale që i nevojiteshin për të përgatitur eksploziv dhe ka bërë kërkime në internet për armë zjarri.
Dy të dyshuarit e tjerë janë të moshës 22 dhe 21 vjeç, të cilët janë shtetas turq.
“Operacioni është kryer në kohën e duhur për të parandaluar rrezikun”, tha prokurorja e Frankfurtit, Nadja Niesen. Ajo tha se të dyshuarit dukej se planifikonin sulme në rajonin Rhine-Main me qëllim të vrasjes, të sa më shumë, të ashtuquajturve jobesimtarë”.
