Ferrari bëri të ditur se Charles Leclerc, do të ketë një penalizim prej 10 pozicionesh në çmimin e madh të Brazilit, i cili do të zhvillohet këtë fundjavë.
Ky penalizim vjen pas problemeve që pati motori i makinës së tij, gjatë fundjavës së çmimit të madh të SHBA-së, në Austin, dhe ky ndërrim i motorit, kalon limitin e pjesëve të ndërruara që është e lejuar brenda sezonit.
Provat zyrtare do të zhvillohen ditën e shtunë, dhe Leclerc do të zbresë 10 pozicione më poshtë nga vendi në të cilin do të renditet.
