Reagimi i ambasadës amerikane në Tiranë lidhur me zgjedhjen e dy anëtarëve të rinj të Gjykatës Kushtetuese, ka sjellë pakënaqësi në masë nga qytetarët. Në komentet e tyre ndaj postimit të ambasadës në faqen në Facebook, qytetarët nuk i kanë kursyer kritikat.
Në deklaratën e Ambasadës amerikane thuhet se SHBA mbeten të përkushtuara për të mbështetur ngritjen e një sistemi gjyqësor të pavarur dhe të ndershëm në Shqipëri: “Prej votimit unanim të reformës në drejtësi në 2016-ën, institucionet shqiptare, përfshirë edhe organet e reja të pavarura të gjyqësorit, kanë punuar fort për të përmbushur vullnetin e popullit. Votimi i sotëm i Parlamentit çon Shqipërinë përpara në ringritjen e Gjykatës Kushtetuese, një organ jetësor për llogaridhënien dhe ekuilibrat demokratike. Shtetet e Bashkuara mbeten të përkushtuara për të mbështetur”.
Ndërkohë më herët, nga opozita u denoncua mënyra sesi Kuvendi votoi sot zgjedhjen e dy anëtarëve të rinj, duke shkelur Kushtetutën, ndërsa procesi u cilësua si një hap për kapjen e Gjykatës Kushtetuese nga Rilindja. Një reagim erdhi edhe nga Presidenca. “Asgjë e re nga fronti i Ramaformës”, u shpreh pas votimit në Kuvend zëdhënësi i Metës, Tedi Blushi.
Komentet
Në të njëjtën linjë kanë qëndruar edhe shumë qytetarë, që kanë shprehur kritikat e tyre për reagimin e ambasadës në postimin që selia diplomatike ka bërë në faqen e saj zyrtare në Facebook.
Shumë qytetarë shprehen se ambasada po i shërben pushtetit të Ramës dhe kërkojnë të qëndrojë larg propagandës “Rilindase”.
Mes komentuesve janë edhe emra të njohur për opinionin publik.
Gent Sejko, i njohur si njeriu i memeve shkruan: “Ambasada Amerikane nganjëherë flet sikur nuk është në Tiranë”.
Briken Fejzullai, ish-kryebashkiaku i natës në Tiranë, shprehet: “Alo Amerika, na lidhni pak me Amerikën. Me atë prej vërteti dmth”.
Ndërsa gazetari Dritan Kaba thotë se ambasada, sipas tij pjesë e Deep State, “po bën shërbimet e fundit”.
“Nuk besoj se nuk kuptoni, por thjesht ju jeni pjese e Deep State, po beni sherbimet e fundit. Si mundet te thoni po ecen reforma perpara kur shkeljet kushtetuese jane te flagrante ne kete votim?! A ju ka ngelur ndonne fije turp apo ndergjegje apo sherbimi sorosian deri ne fund ne ndihme te se keqes. Qendrimet tuaja po i detyrojne shqiptaret te largohen nga Shqiperia. Per ikjen e tyre jeni edhe ju pergjegjes. Dy anetare qe nuk kane arritur as te marrin hyrjen per ne shkollen e Magjistratures sot jane anetare te Gjykates me te larte asaj Kushtetuee. A jeni mire nga trute e kokes apo vetem jeshileju sheh syri. Po beni gjithshka ne sherbim te sorrosianeve te shkaterrojne kete vend. Por realisht gjendja do ndryshoje sa te vije e emeruara e Presidentit Donald J. Trump. Mos harroni edhe nje gje jo kjo deklarate por asnje deklarate tjeter nuk i shpetonketa ushtare te se keqes dhe juve do ju mbuloje turpi perjetesisht!”, shkruan ai.
Ja çfarë thotë Kushtetuta për emërimin dhe zgjedhjen e anëtarëve të Gjykatës Kushtetuese:
http://www.gjk.gov.al/web/ligj_per_organizimin_dhe_funksionimin_e_gjykates_kushtetuese_2016_1667.pdf
