Ish-Kryebashkiaku i Vorës, Agim Kajmaku, është shpallur në kërkim nga policia, pasi urdhër-arrestit të firmosur nga Prokuroria. E ndërsa policia nuk po arrin të gjejë vendndodhjen e Kajmakut, avokati i tij, Isuf Shehu u paraqit në prokurori dhe kërkoi të njihej me aktet e procedimit penal.
“Nuk e di ku është klienti im, policia erdhi dhe kontrolloi banesën. Nuk e dimë pse është shpallur në kërkim”, tha avokati pas daljes nga prokuroria.
Ndaj Kajmakut, prokuroria ka ngritur 3 akuza, atë të shpërdorimit të detyrës, fallsifikimit të formularëve dhe ushtrimi i funksioneve pas dhënies fund të detyrës.
