Dramë në Ballsh, Skënderbeu fiton përballë Bylisit/ Luftëtari-Teuta ndahen në paqe

Një ndeshje e çmendur ishte ajo në “Adush Muça” të Ballshit midis Bylisit dhe Skënderbeut e përfunduar në rezultatin 2-3 në favor të korçarëve.

Fraksioni i parë i lojës përfundoi me rezultatin 0-1 ku Blerim Krasniqi arriti të realizonte nga pika e bardhë e 11-metërshit në përfundim të saj, teksa vetëm pak minuta më parë, ishte Hidi ai që humbi një penallti për Bylisin.

Por kundërpërgjigjia e ballshiotëve do të vinte në pjesën e dytë, pasi do të realizonte dy gola në harkun kohor të 5 minutave. Murataj dhe Goxha shënuan dy herë me dy gola spektakolarë në minutën ’78 dhe ’83. Por festa do të zgjaste vetëm pak, pasi pas dy minutash korçarët do të fitonin një tjetër 11-metërsh e cila u realizua nga Dejvi Bregu.

LEXO EDHE  Pogba larg United, e ardhmja mes Juventus dhe Real Madrid

Gjithsesi nuk u mbyll gjithçka këtu, në të 88-tën, ishte numri 10 i Skënderbeut i cili duke gjetur boshllëqe në mbrojtjen e ballshiotëve arriti të realizonte duke e çuar me tre pikë Skënderbeun në shtëpi.

Në ndeshjen tjetër e luajtur në Gjirokastët mes Luftëtarit dhe Teutës përfundoi në barazim të bardhë 0-0, ky rezultat falë edhe meritës së dy portierëve.