Avokati i Redjan Rrajës, Besnik Çerekja ka ankimuar në Gjykatën e Apelit për Krime të Rënda masën e sigurisë “arrest me burg” të dhënë nga Gjykata e shkallës së parë për klientin e tij.
Rraja përmes avokatit ka kërkuar ndryshimin e masës së sigurisë pasi pretendon pafajësinë.
Kushëriri i deputetit, Rraja është i vetmi i arrestuar , si i dyshuar për atentatin e Durrësit, ku vdiq shoferi Andi Maloku dhe u plagosën prokurori Arjan Ndoja dhe miku i tij, Aleksandër Laho (Pëllumb Muharremi).
