Del ky i vogli dhe i bën gjyq, gjyqit/ Salianji përplaset me deputetin e Ramës: Ju kontrolloni çdo gjë

Ish-deputeti Ervin Salianji dhe ligjvënësi socialist Xhemal Qefalia debatuan mbrëmjen e së enjtes në studion e emisionit “Open” lidhur me akuzat që Kryeministri Edi Rama dhe më pas edhe nënkryeministri Erion Braçe drejtuan ndaj prokurorit Arjan Ndoji, para atentatit që iu bë më 1 nëntor.

“Rama dhe Braçe i bën gjyqin gjyqit”, tha Salianji, referuar deklaratave të tyre, pas arrestimit të kreut të Kadastrës së Durrësit.

“Si ka mundësi që ju keni informacione? Duhet të ketë informacione vetëm Prokuroria dhe grupi hetimor”, vijoi Salianji, duke iu drejtuar deputetit Qefalia.

LEXO EDHE  A ka marrëveshje të fshehtë për reformën zgjedhore? Mediu: Basha të jetë më kritik ndaj Ramës

“Ju jeni në rrugë dhe nuk ishit në parlament për të dhënë alternativën që ju keni. PD-ja ka marrë dhenë, nuk ndëshkuat askënd kur ju ishit në qeveri”, tha Qefalia, ndërsa Salianji iu përgjigj “ju kontrolloni çdo gjë. Lëvizni me makinë të mira. Kontrolloni administratën. Del zv-kryeministri, ky i vogli dhe i bën gjyq, gjyqit”.